Сура 74. аль-Муддассир (Алчудна жув кIевнавайди)

 

Мергьяметлу, Регьимлу Аллагьдин тIварцIелди!

1. Эй, алчудна жув кIевнавайди!

2. Къарагъ, игьтиятвал авунин хабар це!

3. Жуван Раббидиз «чIехивал» це (Са Ам -Гъуц яз кьуна, ва са Адаз ибадат талукьарна)!

4. Жуван парталар михьи ая!

5. «Мурдар затIарикай» (яни бут-рикай) къакъат хьухь!

6. Ва гумир вуна багъишзавай затIар, адалай гзаф къахчун патал (яни це вуна гзаф садакьаяр ва ганвайди гзаф яз гьисабмир- акъвазарун патал).

7. Ви Рабби патал сабур ая!

8. Ва Карчуниз* уф гайила,

9. Ам- а югъ, Залан югъ жеда,

10. Кафирар патал- кьезил туширди.

11. Тур Зун- За халкьнавайдахъ галаз вич тек яз (са девлетни, са веледни авачиз)  

12. Ва За вичиз – гегьенш (экIянавай) мал-девлетар багъишай,

13. Ва рухваярни шагьидар яз (гьамиша вичин патав гвай),

14. Ва вичиз За – (зурба) регьят авуналди (дуьньядин крар) регьятнавай,

15. Ахпа (идалай виридалай кьулухъни(, ада тамарзувалзава За вичиз (мадни) артухарун.

16. Амма ваъ! Гьакъикъатда, ам Чи аятрин гьакъиндай лап терс тир, -

17. За ам (са ял ягъунни авачир четин) азабдин гужа твада (ва я ЦIун дагъ «СагIу́ д» -диз хкаж хьунин гужа твада), -

18. Гьакъикъатда ада фикирна ва къетIна (пис кар), -

19. Къуй ам (лянет алаз) пуч хьуй! ГьикI ада фикирна къетIна (а пис кар)?!

20. Ахпани, къуй ам (лянет алаз) пуч хьуй! ГьикI ада фикирна къетIна?! -

21. Ахпа ам килигна.

22. Ахпа ада чин чIурна ва атIугъна (хъел атана вичивай чIуру къаст ийиз алакь тавурла).

23. Ахпа ада далу гана, ва такабурлувална,

24. Ва лагьана: «Им (Къуръан)- анжах масабурулай (эвелимжибурулай) атана къачузвай суьгьуьр я.

25. Им-анжах инсанрин гафар я».

26. За адав «Сакъар»*-да кана кармаш хьунин (къати кунин) азаб чIугваз тада (*Жегьеннемда деринвилиз ругуд лагьай дережадин тIвар).

27. Ва гьинай чир жеда ваз вуч ятIа «Сакъар»!

28. Тазвач ада (са шейни амукьиз) ва тазвач (кун тавуна).

29. Лап дегишдайди (чIурдайди) я (ам) хамарин гьал.

30. Ала цIекIуьд (малаик) адал.

31. ЦIун иесияр (къаравулар) Чна авунва анжах малаикар, ва кьадар абурун Чна авунва анжах фитне яз кафирвал авурбуруз якъинвал хьун патал чпиз Ктаб атанвайбуруз ва иманмишвал авунвайбуруз иман артух хьун патал, ва шаклу тахьун патал чпиз Ктаб атанвайбур ва муъминар, ва лугьун патал чпин рикIе азар авайбуру ва кафирри: «Вуч (лугьуз) кIан хьана Аллагьдиз идалди (и кьадардалди) мисал гъана? «Гьа икI Аллагьди Вичиз кIаниди ягъалмишвиле твазва ва дуьз рекьел гъизва Вичиз кIаниди. Ва ви Раббидин кьушунар са Адалай гъейри садазни чизвач. Ва ам- анжах РикIел гъун я инсанриз.

32. Амма ваъ! Кьин кьазва вацрал!

33. Ва кьин кьазва йифел, ам (эхирдив мукьвал хьана) акъатайла!

34. Ва кьин кьазва «пакаман вахтуналди» экв ахъа жедайла!

35. Гьакъикъатда, ам (ЦIай, Сакъар)*- лап чIехибурукай (яни крарикай) сад я,

36. Инсаният патал игьтиятвал авунин хабардар яз,

37. Низ квекай кIанзаватIа вилик жез (игьтиятвилин хабар кьабулна дуьз рекьел атана мукьвал жез Адаз) ва я кьулухъ жез (кьабул тавуна элкъвена адакай).

38. Гьар са чан вичи къазанмишай крарин гирав я (ам абурулай асуллувиле аваз кьуна жеда),

39. Анжах «эрчIи патан» сагьибрилай гъейри.

40. (Абур) жеда Женнетра, сада-садавай хабар кьаз,

41. Тахсиркарвилер авурбурукай:

42. «Куь куьн Сакъар*-диз вегьена (гъана туна)? »

43. Абуру лугьуда: «Чун капIзавайбурукай хьанач,

44. Ва чун – кесибриз тIуьн гудайбур хьанач,

45. Ва чун экечIиз хьана буш ихтилатрик буш (чIуру) ихтилатра авайбурухъ галаз.

46. Ва чна Эвездин югъ таб яз кьунай

47. Та, чи патав «якъинвал» (кьиникь) къведалди».

48. Ва менфят гудач абуруз шафаатчийрин шафаатди*(килиг 4-сура 85-аят).

49. Вуч хьанва абуруз, абур «РикIел Гъун»*-икай (Къуръандикай) патахъ элкъвезва?!

50. На лугьуди абур (кичI хьана) лап кIевиз катзавай вагьши ламар я,

51. Асландикай (ва я гъуьрч язавайдакай) катнавай?

52. Аксина, кIанзава гьар са касдиз абурукай вичиз атана (Аллагьдин патай) «ахъайнавай луьлеяр».

53. Ваъ хьи (туш)! Аксина – кар ам я хьи, абуруз Ахиратдикай кичIезвач.

54. Ваъ хьи! Гьакъикъатда ам (Къуръан) – «рикIел гъун» (несигьат) я.

55. Ва низ кIан хьайитIа – ада ам рикIел гъида (ада авай несигьат къачуда).

56. Ва абуру рикIел гъидач, анжах Аллагьдиз кIан хьайитIа… (абур дуьз рекьел гъиз – рикIел гъида абуру). (Са) Ам я – Адакай кичIе хьуниз Лайихлу тирди, ва (са) Ам я – Вичи багъишламиш авуниз (кичIевал авурбуруз) Лайихлуди тирди (яни са Ам я Никай кичIе хьана кIанзавайди ятIа виридаз, ва са Ам я Нин ихтиярда багъишламиш авун, гъил къачун гунагьрилай авайди ятIа, а крар са Адаз хас я).

 

Сура 75. аль-Къийа́ магь (Къиямат [Югъ])

 

Мергьяметлу, Регьимлу Аллагьдин тIварцIелди!

1. Кьин кьазва Къияматдин Йикъал!

2. Ва кьин кьазва вичи вичиз гзаф туьгьметдай чандал (руьгьдал, – диндар амал тIимил авуна лугьуз ва гунагьар авуна лугьуз)!

3. ГьисабзаватIа (кафир) инсанди Чна вичин кIарабар гьич кIватI хъийидач лагьана?

4. Аксина (Чна кIватI хъийида)! Чун адан тупIарин кIвенкIверни гуьнгуьна хутаз къудратлу я.

5. Ваъ! Инсандиз (Къиямат Югъ таб яз кьаз) вичин гележегдани лап чIурувал ийиз кIанзава,

6. Ада Къияматдин Югъ мус алукьда лугьуз хабар кьазва?

7. Бес вилер (килигунар) лап серсер хьайила,

8. Ва варз кьурла,

9. Ва рагъни варзни санал кIватIайла (сад садав агакьайла).

10. А Юкъуз лугьуда инсанди: «Гьинава катдай чка (гьиниз катда! )»

11. Ваъ хьи! Чуьнуьх (далдаламиш) жедай чка жедач.

12. А Юкъуз ви Раббидин патав жеда – (виридан) хтана акъваз хьун.

13. А Юкъуз инсандиз вичи «вилик авурдакай» (авур крарикай) ва «кьулухъ ягъайдакай» (кьилиз акъуд тавурдакай) хабар гуда.

14. Туш! Инсан вич вичел «вири аквазвай хъсан шагьид» я (гуьзчи я – вичиз вичикай вири чизвай, ва я ам вичел «ачух аквадай делил» я, гьамиша адахъ вичихъ галаз авай авур вири крар),

15. Ада вичин уьзуьрар гъана вегьейтIани (а юкъуз).-

16. Юзурмир вуна жуван мез адалди (тикрарар ийиз ам яни Къуръандин гафар, Джабраил малаикди вав агакьарзавайла) тади авун патал вуна адалди (фад рикIел хуьн патал ам).

17. Гьакъикъатда Чал ала – ам кIватIун (вири ви хура) ва (вуна) ам кIелун.

18. Ва Чна ам ваз кIелдайла, (вун яб акализ) гугъуьна хьухь адан кIелунин.

19. Ахпа Чал ала- адаз баян гунни.-

20. Туш (акI)! Аксина, квез «фад (тади)-ди» (яни и дуьнья) кIанзава,

21. Ва куьне Ахират тазва (гьисаба кьун тавуна).

22. Са (бязи) чинар а юкъуз цIарцар гуз жеда,

23. Чпин Раббидиз килигиз жеда,

24. Ва (маса) чинар а юкъуз лап атIугъна (чIурна) жеда,

25. Абуруз якъиндиз чир жеда чпив (кьулан тарцин кIараб хадай) чIехи бала агакьардайди.

26. Ваъ! Ам (руьгь) жинабрив (хурун лап вини кьиле- кьве патани авай жинабрин- арадив) агакьайла

27. Ва лагьайла: «Вуж я дуьа кIелдайди, (изитIунин гафар лугьудайди ам сагърун патал)? »

28. Ва адаз (рекьизвайдаз)- дугъриданни ам (и дуьньядикай) къакъат хьун тирди – якъиндиз чир хьайила.

29. Ва занг зангунив агуд хьайила, (и дуьньядин четинвилер (чан акъатунин) ва Ахиратдин сифте четинвилер гьалтайла, ва я кафан алчудна занг зангунив агудай чIавуз),

30. Ви Раббидин патав я – а юкъуз (абур) гьална хкун.

31. Я ада инанмишвал авунач (Расулдихъ) я ада капI авунач.

32. Амма, ада таб яз кьуна ва кьулухъ элкъвена,

33. Ахпа, ам вичин хзандин патав фена лавгъадаказ къекъвез.

34. Лап бедбахтвал я ваз – лап бедбахтвал (лап мукьвалди яз ваз)!

35. Мад сеферда бедбахтвал я ваз, бедбахтвал!

36. Бес инсанди, вич гьакI (вичиз са карни тагана) тадай хьиз гьисабзаватIа (и дуьньяда эмирар, къадагъаяр тагана, ва Ахиратда вичиз гьахъ-гьисаб тавуна)?!

37. Бес ам стIал туширни – маядин, экъичзавай?

38. Ахпа адакай хьана лахта, ва Ада (ам) халкьна ва тамамвилелди дуьзарна,

39. Ва Ада адакай жуьт (кьве жуьре) авуна – итим ва паб (эркекни дишиди).

40. Бес Ам (Ахьтин Гъуц – а крар вири авур) кьенвайбурал чан хкиз къудратлу тушни?! -(Къудратлу я гьелбетда, эхь! )

 

Сура 76. аль-Инса́ н (Инсан)

 

Мергьяметлу, Регьимлу Аллагьдин тIварцIелди!

1. Бес атана кьван инсандал заманадикай ахьтин вахт – ам (инсан) малум са шейни тушиз (авачиз) авайла!?

2. Гьакъикъатда, Чна инсан халкьна къаришугърикай тир (лап акахьай) стIалдикай, – синагъламишиз Чна ам (гележегда, хиве ферз*-ер туна), – ва Чна ам ван къведайди, аквадайди яз авуна.

3. Гьакъикъатда, Чна адаз къалурнава рехъ (баян авуна дуьз рехъ ва ягъалмишвилин рехъ)- (ам) я шукурдайди яз, я лап инкардайди яз.

4. Гьакъикъатда, Чна кафирриз зунжурар, къандалар ва «Саѓ и́ р» (Жегьеннемдин са тIвар я, яни куькIуьрнавай ялав алай цIай) гьазурнава.

5. Гьакъикъатда, «хийир крар гзаф авубур»(диндарвал авурбур)- «чехир хъвадай чIехи къапунай (фенжанрай)» хъваз жеда, вичин (яни чехирдин) «какадарнавай затIни» кафур* яз (Китайда ва Индонезияда экъечIзавай бязи тарарикай хкудзавай къати ни галай чIем хьтин затI, чехирдик какадардай),

6. Чешме тир, Аллагьдин лукIар адакай (ва я ам кваз) хъваз жеда, акъудиз чиляй абуру ам (адан чешмеяр) акъудуналди (чпиз кIанивал).-

7. Абуру тамамвилелди незуьр кьилиз акъудзава, ва абуруз кичIезва а йикъакай вичин «писвилер (азаб)» гьарнихъ чкIидайди тир.

8. Ва абуру кесибриз, етимриз ва есирриз тIуьн гузва чпиз ам (тIуьн) кIанзаватIани (чеб муьтеж ятIани).

9. (Абуру лугьузва): «Чна квез тIуьн гузва анжах Аллагь(дин Чин*-Адан разивал) патал, кIанзавач чаз квевай я гьакъи(эвез), я шукур авун (чаз)!

10. Гьакъикъатда чаз кичIезва чи Раббидин патай «атIугъай», «лап четин» (ва я дарвал авай, лап яргъи)- йикъакай».

11. Ва Аллагьди абур а йикъан «писвилерикай» хвена ва Ада абурал (чинри) цIарцIар гун ва шадвал гьалтдайвал авуна.

12. Ва Ада абуруз абуру сабур авурвиляй Женнетдин багъ ва ипекар (пек-дикай парталар) эвез гана.

13. Абур ана вичел винелай перде (шаршав) ва хъуьцуьганар алай тахтрал (чарпайрал) кьуьнт яна къвалахъди хьана жеда, ва абуруз ана я (кудай) рагъ, я гужлу мекь (ва я ракъинин нур ва вацран экв, яни югъ ва йиф) аквадач.

14. Ва мукьув жеда абуруз абурун хъенар*(яни Женнетдин еке тарар чеб, абурун хилер – ана рагъ авач гьавиляй тарариз хъен авач) ва бегьем муьтIуьгъарна регьятарда(абуруз) абурун (яни тарарин, емишрин) кулар-галгамар.

15. Гелкъвез жеда абурухъ гимишдин къапар гваз ва гетIеярни -и патай а патаз экв аквадай шуьшеяр (хьтин) тир.

16. «Гимишдикай авунвай и патай а патаз экв аквадай шуьшеяр (хьтин)», абурун кьадарни (абуру) тайинарнава кьадар тайинаруналди (хъвадайбуруз герек тир кьван кьадар).

17. Ва хъваз гуда абуруз ана «чехир хъвадай чIехи къапунай (фенжандай)» вичин (яни чехирдин) «какадарнавай затIни» сенжефил яз,

18. Чешме тир ана авай, Салсаби́ ль* – тIвар алай.

19. Ва гелкъведа абурухъ «даим яз жегьил тир веледар (жаванар)», ваз акурла абур вуна абур чкIанвай гевгьерар яз гьисабда.

20. Ва вун килигайла, ваз ана (Женнетда) няметар ва чIехи мулк (пачагьлугъ) аквада.

21. Абурун винелай кьелечI ипекдикай ва зарлу харадин къацу парталар жеда. Ва безекламишда абур гимишдикай тир цамаралди ва абуруз чпин Раббиди хъваз гуда «лап михьи хъвадай затI».

22. (Ва лугьуда абуруз): « Гьакъикъатда, им квез (дугъриданни) эвез я, ва куь сяйи (чалишмишунар) шукур гъуниз (чухсагъулдиз) лайихди я.

23. Гьакъикъатда, Чна ваз Къуръан паяралди авудиз ракъурнава,

24. Ва сабур ая вуна ви Раббидин гьукумдиз (къарардиз) ва муьтIуьгъ жемир вун абурукай я гунагькардиз, я кафирдиз.

25. Ва рикIел ва мецел гъваш вуна ви Раббидин тIвар пакамахъни нянихъни,

26. Ва йифизни «сажда» (капI) ая вуна Адаз, ва «пак» ая вуна Ам йифен яргъалди (яргъи йифди).

27. Гьакъикъатда, абуруз «фад тирди» (и дуьньядин уьмуьр) кIанзава, ва абуру чпин кьулукь Залан югъ тазва.

28. Чна абур халкьнава ва Чна абурун «чпин къурулуш» дуьзарна мягькемарнава. Ва Чаз кIан хьайила, Чна абур дегишарда, дегишар авуналди – абуруз ухшарбуралди.

29. Гьакъикъатда, им – «рикIел гъун» (гузвай несигьат) я – ва низ кIан хьайитIа (ада) вичин Раббидин патав фидай рехъ кьада (хкяда – иман гъана, Адаз муьтIуьгъвализ).

30. Ва квез кIан жедач (гьич са карни), эгер кIан тахьайтIа Аллагьдиз (яни эгер Аллагьдиз кIан хьайитIа квез кIанрун а кар – анжах а чIавуз квез кIан жеда)! Гьакъикъатда Аллагь – вири чидайди, камаллуди я!

31. Ада Вичиз кIаниди Вичин регьимдик кутазва, ва (хиве кьунва Ада жаза) зулумкарриз, Ада абуруз азиятлу азаб гьазурнава.

 

Сура 77. аль-Мурсаля́ т (Ракъурнавайбур)

 

Мергьяметлу, Регьимлу Аллагьдин тIварцIелди!

1. Кьин кьазва ракъурнавайбуралди (гараралди) сад-садан гуьгъуьнаваз (балкIандин фири-дин чIарар хьиз, ва я дуьз кар патал).

2. Къативализ къативилелди къекъвезвайбуралди,

3. ЧукIур авуналди чукIурзавайбуралди (яни цифер чукIурзавай малаикралди),

4. Чара авуналди чара ийизвайбуралди,

5. «РикIел Гъун» (яни вагьй* винедай агъадиз) «вегьезвайбуралди» (агакьарзавайбуралди),

6. (Вични- вагьй*) Уьзуьр яз (Аллагьдин патай, яни Къияматдин Юкъуз Адан лукIариз чеб гьахъар хъийидай делил, уьзуьрлу себеб амукь тийидайвал чпиз Ктаб атанач лугьуз) ва (я) игьтиятвал авунин хабар яз.

7. Гьакъикъатда, квез хиве кьунвайди (Къияматдин Юкъуз чан хкун, гьакь – гьисаб хьун)- дугъриданни алукьда (кьилиз акъатда).

8. Бес гъетерал мичIивал акьалтайла (экуьвал кьейла),

9. Ва цав пад-пад хьайила,

10. Ва дагълар руг-руг хьана чкIайла,

11. Ва Расулар тайин вахтунда кIватI хъувурла (ва я: Расулриз вахт тайинарайла).

12. Гьи (зурба) югъ патал кьулухъ вегьенва?

13. Чаравал жедай югъ патал!

14. Ва ваз «чара авунин югъ» вуч ятIа гьинай чир жеда?

15. Бедбахтвал жеда а юкъуз таб яз кьазвайбуруз (и крар)!

16. Бес Чна звелимжибур тергначирни?

17. Ахпа Чна абурун гуьгъуьна эхиримжибурни твада.

18. Гьа икI Чна ийизва тахсиркарриз.

19. Бедбахтвал жеда а юкъуз таб яз кьазвайбуруз!

20. Бес Чна куьн «усал цикай» (итимдин маядин стIалдикай) халкь авунвачни?

21. Ва Чна ам (усал яд) «амукьдай мягькем чкада» (дидедин руфуна) эцигна,

22. (Аллагьдиз) Малум кьадар вахтуналди.

23. Ва Чун къудратлу тир (а кардал), ва гьикьван хъсан къудратлубур я Чун!

24. Бедбахтвал (азаб) жеда а юкъуз таб яз кьазвайбуруз!

25. Бес Чна чил виче (затIар) жедайвал (гьакьдай чка яз) авунвачни,

26. Чан алайбурни (винел чилин) ва кьенвайбурни (къене чилин)?

27. Ва Чна анал мягькембурни кьакьанбур (яни дагълар) авунва, ва Чна квез хъваз «хъвадай михьи яд» ганва.

28. Бедбахтвал жеда а юкъуз таб яз кьазвайбуруз!

29. (Къияматдин Юкъуз абуруз лугьуда): «Алад (гила) куьн куьне таб яз кьур кардихъ!

30. Алад куьн- пуд хилез пай хьанвай (ЦIун гумадин) хъендик,

31. Вич я серин тушир, я вичи ялавдикай хуьн тийидай.

32. Гьакъикъатда, ада (Жегьеннемди) «зурба кIвалер» хьтин цIелхемар гадарзава,

33. На лугьуди абур девейрин дестеяр я, хъипи тир.

34. Бедбахтвал жеда а юкъуз таб яз кьазвайбуруз!

35. Ам -абур рахун тийидай югъ я (чеб гьакьар хъийиз),

36. Ва абуруз ихтиярни гудач, -уьзуьрар гъидайвал абуру.

37. Бедбахтвал жеда а юкъуз таб яз кьазвайбуруз!

38. Гьа им я «Чара авунин» югъ! Чна кIватI хъувунва куьн (Къуръан таб яз кьур мушрикар) ва эвелимжибурни (Расулар таб яз кьур)!

39. Ва эгер квехъ (ийидай) амалдарвал аватIа (азабдикай къутармишдай), ая куьне амалдарвилер Заз аксина!

40. Бедбахтвал жеда а юкъуз таб яз кьазвайбуруз!

41. Гьакъикъатда, (Аллагьдикай) кичIебур хъенрик ва булахрин арада жеда,

42. Ва емишрин юкьвани, чпиз кIан хьайибурукай.

43. Неъ ва хъухъ куьне нуш яз, куьне авур (хъсан) амалдиз килигна!

44. Гьакъикъатда, Чна хъсан крар аварбуруз гьа икI эвез гузва.

45. Бедбахтвал жеда а юкъуз таб яз кьазвайбуруз!

46. Неъ, ва кеф чIугу куьне – са тIимил, гьакъикъатда куьн тахсир крар авурбур я!

47. Бедбахтвал жеда а юкъуз таб яз кьазвайбуруз!

48. Ва абуруз лагьайла: «Руку́ гI* ая куьне (капI ийиз)! – абуру руку́ гI*(капI) ийизвач.

49. Бедбахтвал жеда а юкъуз таб яз кьазвайбуруз!

50. Бес гьи ихтилатдихъ (келимайрихъ) абуру адалай кьулухъ (яни и Къуръандилай) инанмишвал ийида?!

 

Сура 78. ан-Набаъ ([Зурба] Хабар)

 

Мергьяметлу, Регьимлу Аллагьдин тIварцIелди!

1. Квекай абуру сада-садавай хабар кьазва?

2. Хабардикай чIехи (Къуръандикай – виче Къияматдин Юкъуз чан хкуникай хабар гузвай),

3. Вичин гьакъиндайни чпин арада чаравал авай?!

4. Туш! Абуруз (гележегда) чир жеда!

5. Ахпа (мадни), туш! Абуруз (гележегда) чир жеда!

6. Бес Чна чил (мес хьиз) экIянавайди яз авунвачни?

7. Ва дагълар – хкар яз (чилиз янавай)?

8. Ва Чна куьн жуьтер (эркекбур – дишибур) яз халкьнава,

9. Ва Чна куь ахвар – куь (беденрин) гьерекатар (ийизвай крар) акъвазарун (секин хьун, ял ягъун) яз авунва,

10. Ва Чна йиф – либас яз (мичIивилелди кIевдайди яз) авунва,

11. Ва Чна югъ – дуланажагъ (яшайишдиз чалишмиш хьун) яз авунва,

12. Ва Чна квелай винедиз ирид мягькембур (зурбабур яни цавар) эцигнава,

13. Ва Чна (цава) ялавлу, гужлу экв гудай чирагъ авунва,

14. Ва Чна «марфадин циферикай» (шуьткьуьнна кьеж хкуддай хьиз марф авудиз гьалдив агакьнавай циферикай) къатиз авахьзавай яд авуднава,

15. ЭкъечIиз тун патал Чна адалди тумар ва набататар,

16. Ва алчуд тир бустанар.

17. Гьакъикъатда «Чара авунин» югъ – тайинарнавай вахт я.

18. Югъ – Карчуниз* уф гудай, ва куьн десте-десте яз къведай,

19. Ва ахъайда цав, ва жеда (ам) гзаф варар яз,

20. Ва физ тада дагъларив (чпин чкайрилай) ва абур «сара́ б»* хьиз жеда (килиг 24-сура 39- аят).

21. Гьакъикъатда, Жегьеннем (а юкъуз) гуьзчивалдай чка я.

22. Сергьятар чIурай тахсиркарриз (кафирриз) – (элкъвена) хкведай чка я,

23. Амукьиз абур ана (сад-садан гуьгъуьналлаз эхир авачир кьван «кьудкъад йисарин») гзаф девирра. 

24. Дадни акун тийиз абуру ана я къайивилин, я хъвадай затIунин,

25. Анжах хьи (гуда абуруз дадмишиз) – ргазвай яд ва ирин,

26. (Абуруз) Кутугай эвез яз.

27. Гьакъикъатда абуру гьахъ-гьисаб жедайди умуд тийиз хьана,

28. Ва Чи аятар (аламатар) абуру таб яз кьуна таб яз кьуналди.

29. Ва Чна гьар са шей – ам кхьена гьисабдиз къачунва.

30. Гила дадмиша куьне, ва Чна квез артухардайди анжах азаб я!

31. Гьакъикъатда, (Аллагьдикай) кичIебуруз «агалкьунрин чка» (Женнет) жеда,

32. Бустанар (Женнетдин) ва ципицI багълар,

33. Ва ацIай (тIарам) еке хурар авай таяр тир-жегьил руш папар,

34. Ва (чехирдалди) ацIанвай хъвадай чIехи къапар.

35. Абуруз ана я чIуру буш ихтилатрин, я таб яз кьунин ван къведач.

36. (Ам вири жеда абуруз) Эвез яз ви Раббидин патай – тамам кьадар тир чIехи пишкеш яз.

37. Цаварин ва чилин ва абурун кьведан арада авайбурунни Раббидин, Мергьяметлуди тирдан. Жедач абуруз гьич мумкинвал Адахъ рахадай (тавакъу ийиз),

38. А юкъуз, – Руьгь* (Джабраил малаик…) ва малаикар жерге-жерге акъваздай, – абур садни рахадач анжах вичиз Мергьяметлуда ихтияр гайидалай гъейри, вичини дуьз лугьузвайди яз.

39. Ам – гьакь югъ я, ва низ кIан хьайитIа (къутармишвал а юкъуз) ада вичин Раббидин патав хкведай рехъ кьада («хкведай хъсан чка гьазурда» инанмишвална диндар амал ийиз).

40. Гьакъикъатда, Чна квез игьтиятвал авунин хабар ганва мукьвал тир азабдикай(вини жедай)а Юкъуз – гьар са касдиз виликдай адан гъилери вуч авунатIани аквадай, ва кафирдини лугьудай: «Агь! ХьанайтIа зун накьв яз (элкъвенайтIа, зун накьвадиз)! »

 

Сура 79. ан-На́ зигIа́ т (Ялна акъудзавайбур)

[Чан къачузвай малаикар]

 

Мергьяметлу, Регьимлу Аллагьдин тIварцIелди!

1. Кьин кьазва дериндай кIевиз ялна акъудзавайбурал (кафиррин чан къахчузвай малаикрал),

2. Кьин кьазва диривалзавайбурал хъуьтуьлдиз къахчуз (муъминрин чан къахчузвай малаикрал),

3. Кьин кьазва «сирнавзавайбурал йигиндиз цава» (цавай агъуз ва винихъ зарбдиз физвай малаикрал),

4. Ва фад физ вилик элязавайбурал -алудиз (Аллагьдин эмирар кьилиз акъудиз),

5. Ва идара ийиз эмирнавай кар кьилиз акъудзавайбурал – (дугъриданни чан хкида гьахъ-гьисаб ийиз)!

6. Къарсадайди (яни чил) къарсадай – Юкъуз (Карчуниз* уф туна ягъайла сад лагьай сефер, чил залзал хьана зурзада, ва вири махлукьатар рекьида).

7. Вичин гуьгъуьнавазни «гуьгъуьналлайди» (кьвед лагьай залзала) къведай! (яни Карчуниз кьвед лагьай уф гайила- кьейибурал чан хкведа),

8. РикIер а юкъуз кичIела зурзаз жеда,

9. Килигунар (вилер) абурун агъузарна жеда (кичIела чиле туна).

10. Абуру лугьузва: «Чун сифте гьалдиз элкъуьрна хкидани кьван (кьейидалай кьулухъ чан хкидани чал)?!

11. Вични чун ктIай къен буш кIарабриз элкъвейла?! »

12. Абуру лугьузва: «АкI хьайилa ам – зиянлу (зарар авай) элкъвена хтун я! »

13. Ва (гьакъикъатда) ана жедай кар – (анжах) са кIеви гьарай я,

14. Ва ингье абур «лацу дуьз чилел» ала.-

15. Атанани ваз Мусадин кардин хабар?

16. Адаз вичин Раббиди, пак тир «ТIува́ »- дереда эверайла:

17. «Алад (вун) фиръавандин патав, гьакъикъатда ада кьадарсуз асивалнава (сергьятрилай элячIнава),

18. Ва лагь: «Авани ваз майилвал (гьазурвал – нукьсанрикай, гунагьрикай михьи авуна) вун артух хъсанардай?

19. Ва за ваз ви Раббидин патав рехъ къалурдай ва ваз (ви Раббидикай) кичIе жедай!? »

20. Ва ада (Мусади) адаз чIехи аламат къалурна,

21. Амма ада (фиръаванди) ам (тадиз) таб яз кьуна ва асивална,

22. Ахпа ам кьулухъ элкъвена, чалишмиш жез (адан аксина).

23. Ада (жемят) кIватIна, эверна

24. Ва лагьана: «Куь виридалайни вине тир Рабби – зун я! »

25. Ва кьуна ам Аллагьди «ибрет жедай азабдалди» Ахиратдани ва и эвелимжидани (и дуьньядани).

26. Гьакъикъатда, а карда ибрет ава – вичиз (Аллагьдикай) кичIезвайдаз.-

27. Бес куьн (эй, инсанар) халкь авуниз четин яни, я тахьайтIа цав?! Ада ам эцигнава,

28. Ада адан тагъ хкажнава (ам лап вине яз авунва), ва ам тамамарна дуьзарнава.

29. Ва Ада адан йиф мичIи авунва, ва Ада адан пакаман экв (экуьнахъ ракъинин нур) акъуднава.

30. Ва чил Ада – адалай гуьгъуьниз – дуьзарна экIяна ам,  

31. Акъудна Ада анай яд адан ва чIурар (уьруьш) адан,

32. Ва дагълар – Ада абур мягькемарна (хкар хьиз чиле),

33. (Халкьнава Ада вири и няметар) Са тIимил вахтунда ишлемишдай менфятар яз квез ва куь мал-къарадиз.

34. Ва «виридалайни зурба, михьиз винел пад къачудай Агьвалат»* (гзаф пис кичIерар гудай, зегьле ракъурдай кар) атайла (яни Къияматдин Югъ алукьайла),

35. А юкъуз рикIел хкида инсанди вичи авур чалишмишунар,

36. Ва ачухдал акъудда «Джагьи́ м»* (гьар са) аквазвайдаз,

37. Ва ни асивал авунатIа (сергьятрилай элячIнатIа)

38. Ва и дуьньядин уьмуьр артух кьуна хкянатIа,

39. Гьакъикъатда «Джагьи́ м»* – ам я «элкъвена хкведай чка» (адаз).

40. Ва низ вичин Раббидин вилик акъвазуникай (Адан «гьейбатдикай, чIехивиликай») кичIезвайтIа, ва вичи вич (нефс) кIеви гьевесрикай (къизмишвилерикай) хвенатIа,

41. Гьакъикъатда, Женнет я – «элкъвена хкведай чка» (мескен адаз).

42. Абуру вавай (Къияматдин) Сят*- дикай хабар кьазва, мус ятIа адан алукьун (тестикь хьун)?

43. Ваз адакай (мецел гъана) лугьун гьикI талукь я? (яни авач ваз вуна абуруз лугьудайвал адакай чирвал).

44. Адакай (ам алукьдай вахтунин) чирвал анжах ви Раббидал куьтягь жезва.

45. Гьакъикъатда вун анжах адакай (Къияматдин Йикъакай) кичIебуруз игьтиятвал авунин хабар гузвайди я.

46. Ва абуруз ам (Къиямат) акур юкъуз, абуруз чеб (и дуьньяда) амукьайди хьиз жеда анжах са нянин вахтунда кьван (нисинлай кьулухъ рагъ акIидалди) ва я адан са пакаман вахтунда (дзухIа́ - кьван, рагъ экъечIайла нисини жедалди).

 

Сура 80. ГIабаса (Чин чIурна)

 

Мергьяметлу, Регьимлу Аллагьдин тIварцIелди!

1. Чин чIурна (ада) ва (ам патахъ) элкъвена,

2. Вичин патав буьркьуьди атана лугьуз.

3. Ва ваз гьинай чир жеда кьван? Белки ам михьи хьана (гунагьрикай авайдалай) артух хъсан жедай

4. Ва я ада рикIел хкидай ва адаз «РикIел Гъуни» (Къуръанди) менфят гудай.

5. Ва эгер лагьайтIа, вич гьар са шейиникай (яни ви дуьз рекьикай) девлетлу яз гьисабзавайди, (гьар гьикI ятIани, вич са куьнизни муьгьтеж туширди яз гьизабзавайди)

6. Вун адаз дикъет гуз кIевиз алахънава, –

7. Ва вал алач (жавабдарвал) ада (вичи вич) михьи тавуна артух хъсанар тавун (ва я Вал вуч ала эгер ада (вичи вич) михьи тавуна артух хъсанар тавуртIани?! )-

8. Ва эгер лагьайтIа, ви патав чалишмишвализ атайди,

9. Вичизни (Аллагьдикай) кичIезваз,

10. Вун адакай машгъул я (маса кардихъ алатнава).

11. Амма ваъ! Гьакъикъатда им (и аятар) «рикIел гъун» (несигьат) я.

12. Ва низ кIан хьайитIа, ада ам рикIел гъида.

13. (Чебни) Аваз луьлейра: гьуьрметлу (багьа),

14. Вине дережадин, пак тир михьи,

15. Векилрин (малаикрин) гъилера,

16. (Вични) Гьуьрметлубурун ва къенибур яз гзаф хъсан (диндар) крар ийизвайбурун.

17. Пуч (лянетлу) хьурай (кафир) инсан, гьикьван ам кIеви я (вичин Раббидихъ) кафирвал авуниз!

18. (Бес адаз аквазвачни) Квекай Ада вич халкьнаватIа?

19. Ада ам халкьнава стIалдикай ва тайинарнава адаз девирар (ва я эцигнава адаз кьадарар),

20. Ахпа регьятарна (Ада) рехъ (адаз, и дуньяда вич тухудай, ва я; дидед руфунай экьечIдай),

21. Ахпа (Ада) адан чан къахчуна ва ам сура твадайвал авуна.

22. Ахпа, Вичиз кIан хьайила, Ада адал чан хкана (чиляй) ахкъудда.

23. Туш! Ада вичиз (Раббиди) эмир ганвайди (иман гъун, ферзер кьиле тухун гилани) кьилиз акъуднавач,

24. Ва къуй инсан килиграй вичин (незвай) тIуьниз (рузидиз, гьикI Чна ам халкьнаватIа);

25. Гьакъикъатда Чна (цавай) яд къатиз къурна къур авуналди,

26. Ахпа Чна чил падна пад авуналди,

27. Ва экъечIдайвал авуна Чна анай тумар,

28. Уьзуьм ва юнжа* векь (инжи векьин са жинс),

29. Зейтун ва хумравдин тарар

30. Ва яцIу тандин тарар авай бустанар,

31. Емишар ва векьер – кьалар,

32. Са тIимил вахтунда ишлемишдай менфятар яз квез ва куь мал-къарадиз.

33. Ва «Япар биши ийидай къати сес» акъатайла (Къияматдин юкъуз),

34. (Ахьтин) Юкъуз – инсан вичин стхадикай катдай,

35. Вичин дидедикай ва вичин бубадикай,

36. Вичин папакай ва вичин рухвайрикай,

37. Гьар са касдиз абурукай а юкъуз вич (амайбурукай) машгъулардай кар жеда, -

38. А юкъуз са (бязи) чинар жеда нур (цIарцIар) гуз,

39. Хъвер алаз ва шад яз.

40. Ва маса чинар жеда а юкъуз чпел руг алаз,

41. Чпел (гъамунин ва пашманвилин) чIулаввили винел пад къачуна кIевнаваз.

42. Абурни (акI жедайбур) – чеб кафирар пис чIуру крарзавайбур жеда.

 

Сура 81. ат-Такви́ р (Элкъуьрна кIватIун)

  

Мергьяметлу, Регьимлу Аллагьдин тIварцIелди!

1. Рагъ алчудна кIватIайла (ва адан экв квахьайла),

2. Гъетер хкахьайла (ва я чкIана сад-садал аватайла),

3. Дагълар фидайвал авурла (чпин чкайрилай ва руг хьана квахьайла чилелай),

4. Ва (цIуд вацран) бугъаз тир девеяр килигун галачиз гьакI амукьайла,

5. Ва вагьши гьайванар кIватI авурла (ва какахьайла),

6. Ва гьуьлерик цIай ктурла (ва я гьуьлер алахьайла ва акахьайла),

7. Ва чанар («нефесар») чпин жуьрейрихъ галаз (ва я чанар (руьгьер беденрихъ галаз) жуьтер яз) санал хъувурла,

8. Ва чан аламаз чилик кутунвайдавай (руш-аялдивай) хабар кьурла,

9. Гьи гунагьдиз килигна вич (абуру, кучудна) кьенатIа,

10. Ва луьлеяр (авур крар кхьенвай, аладарна) ахъай авурла,

11. Ва цав алажна алудайла (чкадилай),

12. Ва «Джаѓ ьи́ м»* къатиз куькIуьрайла,

13. Ва Женнет мукьув авурла,

14. (А чIавуз, якъиндиз) Чир жеда (гьар са) чандиз, вичи вуч гьазурнатIа (гъанатIа).

15. Ва кьин кьазва «чунуьх жезвайбурал» (гъетерал- яни абур юкъуз чуьнуьх жезва ва квахьзава вилерикай, жейранар чуьнуьх жезвайвал далда чкада хатавал хьайила ва я йиф атайла),

16. Гьерекатна физвайбурал (чпин фелекра) ва квахьзавайбурал!

17. Кьин кьазва йифел адан мичIивал алукьзавайла (ва я: йиф акъатзавайла, мичIивал квахьзавайла).

18. Кьин кьазва экуьн сегьердалди (ада) нефес акъуддайла (са жизви экв малум жедайла- адахъ галаз хуш хъуьтуьл шагьварни акъатда).

19. Гьакъикъатда ам (Къуръан)-багьа играми Векилдин (Джабраилан, ада Аллагьдин патай агакьарзавай) гаф я,

20. (Вични) Зурба къуватдин сагьиб тир, (вичизни) Аршдин Сагьибдин (яни Аллагьдин) вилик лап еке дережа авай.

21. Вичизни анра (цавара, амай вири малаикар) муьтIуьгъ тир, вичелни ихтибар ийиз жедай.

22. Туш куь дуст (квез хъсан чизвай – Мугь́ аммад) дилиди.

23. Гьакъикъатда, адаз ам (Джабраил вичин гьакъикъи суьретдаваз, рагъэкъечIдай патахъай Меккада) акуна «чилни цав ккIанвай хьиз аквадай чкадал» ачух,

24. Ва туш ам (Мугьаммад, Аллагьди адаз ракъурнавай вагьй* яни Къуръан ва маса чинебан чирвилер яни) гъайб*агакьарунин карда мискьивалдайди.

25. Ва туш ам (Къуръан) – (вичел) къванер гьалчна чукурзавай (лянетлу) шейтIандин гафар.-

26. Бес (и вири делилар гъана субут авурдалай кьулухъ квез Къуръан гьакь тирди, ам инкариз) куьн гьиниз физва?! -

27. Ам – анжах, алемар патал РикIел Гъун (Несигьат) я,

28. Квекай низ вич дуьз (рекьел атана ам кьиле) тухуз кIанзаватIа,

29. Ва жедач квез кIан (а кар), эгер кIан тахьайтIа Аллагьдиз – алемрин Раббидиз (яни эгер Аллагьдиз кIан хьайитIа квез кIанрун а кар – анжах а чIавуз квез кIан жеда)!

 

Сура 82. аль-ИнфитIа́ р (Пад-пад хьун)

 

Мергьяметлу, Регьимлу Аллагьдин тIварцIелди!

1. Цав пад-пад хьайила,

2. Ва гъетер чкIайла (ва я чкIана гьарнихъ къакъатайла),

3. Ва гьуьлер алахьна акахьайла (ва я ятар хъиткьинарна кьурурайла),

4. Ва сурар – кIан пад винел элкъуьрайла,

5. Гьар са чандиз (нефесдиз) ада вуч авунатIа ва вуч ада тавуна тунатIа чир жеда.

6. Эй, инсан! Куь алдатмишна вун ви Багьа (Гзаф Жумарт) Раббидин гьакъиндай?

7. Вичи вун халкьнавай ва тамамдиз дуьзарнавай, ва вун дуьз къведайвал (ви бедендин паяр сад-садав кьадайвал) авунвай,

8. Ва гьихьтин суьретда (акьалтIай гуьзел) – Адаз кIан хьайи – (Вичини) вун туькIуьрнавай!

9. Туш (акI)! Аксина, кар ам я хьи куьне эвез хгун (Къияматдин йикъан) таб яз кьазва.

10. Ва гьакъикъатда, квел хуьзвайбур ала (куьне ийизвай амалрал гуьзчивалзавай малаикар),

11. Играмибур (багьабур Аллагьдин вилик), кхьизвайбур,

12. Абуруз чизва куьне вуч амал ийизватIани.

13. Гьакъикъатда «лап диндар ксар» (Аллагьдикай кичIебур) лап хушбахтвилера жеда.

14. Ва гьакъикъатда пис чIуру крарзавайбур «Джаѓ ьи́ м»*-да жеда,

15. Виче абуру къати кунин азаб чIугвадай (абур куз чрадай) – ана Эвездин Юкъуз,

16. Ва жедач абурувай адакай чара жез (чеб а азабда тежедайвал ийиз).

17. Ва ваз вуч чида Эвездин Югъ вуч ятIа!?

18. Ахпа (мадни), ваз вуч чида Эвездин Югъ вуч ятIа!?

19. А югъ – чандин (нефесдин) ихтиярда гьич са шейни тежедай маса чан (нефес, кас) патал, ва къарар (вири ихтиярарни) а юкъуз са Аллагьдиз талукь жеда!

 

Сура 83. аль-МутIаффифи́ н (Алцумна гудай затIар кими авуна, кьадардилай кьезиларна гузвайбур)

 

Мергьяметлу, Регьимлу Аллагьдин тIварцIелди!

1. Мусибат (писвал, азаб) я – алцумна гудай затIар кими авуна, кьадардилай кьезиларна гузвайбуруз;

2. Чпи инсанривай уьлчмедалди къачузвайла тамамвилелди (ва артухни алаз) тIалабзавай,

3. Ва чпи абуруз уьлчмишдайла ва я алцумдайла, (чпи) абуруз зиянвал гузвай.

4. Бес фикирзавачни абуру, гьакъикъатда чпел чан хкидайди,

5. ЧIехи югъ алукьайла,

6. Инсанар (вири) – алемрин Рабби патал акъвазна жедай юкъуз?

7. Амма ваъ (аксина, абурал чанни хкида а Юкъуз ва жазани жеда)! Гьакъикъатда, пис чIуру крарзавайбурун (амалар кхьенвай) ктаб лап «сиджжи́ н-да» (Жегьеннемда авай са дередин тIвар, лап дар чкада) жеда.-

8. Ва ваз вуч чида «сиджжи́ н» вуч ятIа!? -

9. (Ам – яни пис чIуру крарзавайбурун ктаб) – Кхьена бегьем хьанвай («вичиз нумра янавай-виче дегишвилер хутаз техжедай») ктаб я.

10. Мусибат (писвал, азаб) жеда а Юкъуз таб яз кьазвайбуруз,

11. Чпи Эвездин югъ таб яз гьисабзавайбуруз!

12. Ва таб яз кьазва ам анжах гьар са «сергьятар чIурзавай тахсиркар» тир гзаф гунагькарди.

13. Адаз Чи аятар кIелайла, ада лугьузва: «Абур – эвелимжибурун (туькIуьрна кхьенвай) кьисаяр я»

14. Туш (акI)! Аксина, кар ам хьи – абурун рикIерал чпи къазанмиш авур крарин (гунагьрин) пас акьалтна кIев хьанва (а рикIер – Къуръандихъ инанмиш хьуникай).

15. Туш! Гьакъикъатда абур а юкъуз чпин Раббидикай (Ам акуникай ва …) кIевна жеда (чара авуна, вилик пад атIана жеда),

16. Ахпа гьакъикъатда абур «Джаѓ ьи́ м»-да кана чрадайбур (Жегьеннемдин къати кунин азаб чIугвадайбур) жеда,

17. Ахпани абуруз лугьуда: «Им – гьа таб яз кьурди я, куьне».

18. Туш (акI)! Гьакъикъатда диндарбурун (Аллагьдикай кичIебур яз хъсан крар авурбурун) ктаб лап «гIиллиййи́ н»-да (лап вине чкада) жеда.

19. Ва ваз вуч чида «гIиллиййу́ н» вуч ятIа!?

20. (Ам- диндарбурун ктаб) – Кхьена бегьем хьанвай («вичиз нумра янавай-дегишиз техжедай») ктаб я.

21. Адаз – (Аллагьдиз) мукьва тирбур (малаикар шагьидвализ) килигзава.

22. Гьакъикъатда, диндарбур (Аллагьдикай кичIебур яз хъсан крар авурбур) лап хушбахтвилера жеда.

23. Чеб вичел винелай перде ва хъуьцуьганар алай тахтарал (чарпайрал) алаз, килигиз жеда.

24. Ваз абурун чинра хушбахтвилин нурлувал (шадвал, успагьивал) чир жеда (аквада).

25. Абуруз жуфтдиз (сигъдиз) кIевинавай къапуна (яргъалди хвенвай) михьи чехирдикай хъваз гуда.

26. Ва адан (ам хъвадайла) эхир-хатам миск* (иер ни галай шей) я (ва я Ам авай къапунин сивел гьалчнавай палчух хьтин затI миск я). – Къуй гьа карда бягьс чIугурай бягьс чIугазвайбуру! -

27. Ва вичин (а чехирдин) «какадарнавай затIни» «Тасни́ м»*-дай (тир хъвадай затI) я.

28. (Вични)Чешме тир- вичяй (ва я ам кваз, ва я адан къвалав ацукьна) «(Аллагьдиз) мукьвалбуру» хъвазвай.

29. Гьакъикъатда, тахсиркарвилер (еке гунагьаркарвилер) авурбуру инанмиш авурбурукай хъуьруьнарзавай.

30. Ва абурун патавай фидайла, сада-садаз вилербур ийизвай (муъминрикай ягьанатар ийиз),

31. Ва элкъвена чпин хзанрин патав хтайла, абур (муъминрикай) зарафатар ийиз хвешивилер ийиз хквез хьанай.

32. Ва чпиз абур (муъминар) акурла, абуру лугьузвай: «Гьакъикъатда, ибур лап ягъалмиш хьанвайбур я».

33. Ва абур (тахсиркарар) абурал (муъминрал) хуьзвайбур (гуьзчияр) яз ракъурнавачир!

34. Гила Къе (Къияматдин Юкъуз) инанмишвал авурбур кафиррикай хъуьруьнариз жеда,

35. Абур вичел винелай перде ва хъуьцуьганар алай тахтарал (чарпайрал) алаз, килигиз жеда.

36. Бес (гила) ганани кафирриз «саваб» (эвез) чпи авур крарин?!

 

Сура 84. аль-Иншикъа́ къ (КьатI-кьатI хьун)

 

Мергьяметлу, Регьимлу Аллагьдин тIварцIелди!

1. Цав кьатI-кьатI хьайила,

2. Ва ам вичин Раббидиз яб гана муьтIуьгъ хьайила – ва лазимни тир адаз ам (яни цавариз – Раббидин эмирдиз муьтIуьгъ хьун), -

3. Ва чил чIугуна экIя авурла,

4. Ва ада (чили) вичин къене авай (кьван) затIар винел гадарайла, ва (абурукай буш) азад хьайила,

5. Ва вичин Раббидиз ам яб гана муьтIуьгъ хьайила – ва лазимни тир адаз (чилиз) акI авун,

6. Эй, инсан! Вуна чалишмишвалзава ви Раббидихъ чалишмишвал авуналди (сяйи ийизва, та кьиникь атана, Адан патав хкведалди), ва вун Адахъ галаз гуьруьшмишни жеда.

7. Ва эгер, вичив вичин ктаб эрчIи гъиле вугайди, лагьайтIа,

8. Адаз (дугъриданни) гьахъ-гьисаб ийида регьят гьахъ-гьисабдалди,

9. Ва ам вичин хзандин патав шад яз элкъвена хкведа.

10. Ва эгер, вичив вичин ктаб (чапла гъиле) вичин далудихъай вугайди лагьайтIа,

11. Ада (дугъриданни) эверда гьалак (пуч) хьуниз.

12. Ва ада «Саѓ ьи́ р»-да (Ялавда) къати кунин азаб чIугвада.-

13. Бес гьакъикъатда ам вичин хзандин арада шадди тир эхир, -

14. Ва гьакъикъатда ада вич элкъвена (чан алай гьалдиз) гьич хкведач лагьана фикирнай.

15. Аксина! Гьакъикъатда, адан Раббидиз ам акваз тир!

16. Ва кьин кьазва (За) нянин яраралди (рагъ хъфейла жезвай ярувал цава)!

17. Кьин кьазва йифелди, ва ада (санал) кIватIайбуралди!

18. Кьин кьазва вацрал, ам кIватI хьана ацIана тамам хьайила!

19. Дугъриданни куьн са гьалдилай гуьгъуьниз маса гьалдиз къведа (фида).

20. Ва вуч хьанва абурухъ инанмишвал тийиз (абуру),

21. Ва чпиз Къуръан кIелайла, абуру (Аллагьдиз) сажда тийиз?! ®

22. Аксина, кафирвал авурбуру (гьакь) таб яз кьазва,

23. Ва Аллагьдиз вуч абуру чпин къене вуч хуьзватIа (гьакь чиз терсвал авун), лап хъсан чизва.

24. Ва (гьавиляй) азиятлу азабдин хабардалди «шадара» абур,

25. Амма (ва я Анжах) инанмиш хьана, диндар амал авурбур квачиз- абуруз акьалтI тийидай саваб жеда.

 

Сура 85. аль-Буру́ дж (Гъетерин кIапIалар)

 

Мергьяметлу, Регьимлу Аллагьдин тIварцIелди!

1. Кьин кьазва (За) цавалди – гъетерин кIапIалрин сагьиб!

2. Кьин кьазва (За)- хиве кьунвай Йикъалди!

3. Кьин кьазва (За) – «шагьидвалзавайдал» ва «вичин гьакъиндай шагьидвал авунвайдал»!

4. Къуй пуч (лянетлу) хьуй хандакIдин сагьибар,

5. (Сагьибар) ЦIун – кудай затI ацIана (гзаф) авай!

6. Ингье абур анал (хандакIдин къвалав) ацукьнава,

7. Ва абуру, муъминриз вуч ийизвайтIа, шагьидвалзава.

8. Ва абуру (ажугълувал ийиз) интикъам къачузва абурулай (муъминрилай), анжах – абуру Гужлу (Къудратлу), Гьамддиз Лайихлу Аллагьдихъ инанмишвална лугьуз,

9. Са Вичиз – цаварин ва чилин гьакимвал (пачагьвал) талукь тир, ва Аллагь – гьар са шейинал Шагьид я.

10. Гьакъикъатда, муъмин итимриз ва муъмин папариз (цIа) кана азият гайибур ахпани чпи туба тавурбур – абуруз Жегьеннемдин азаб жеда ва жеда абуруз цIай кьуна кунин азаб.

11. Гьакъикъатда, чпи инанмишвал авуна ва «диндарбур» (яни диндар амал) авурбур – абуруз чпин кIаникай вацlар авахьна физвай Женнетдин бустанар жеда. Ам – чIехи агалкьун я!

12. Гьакъикъатда, ви Раббидин «вегьена кьун» (интикъамдин жазадалди) – лап кIевиди я.

13. Гьакъикъатда Ада сифте яз ийизва ва Ада мад хъийизва (сифте яз махлукьатар халкьзава ва ахпа кьейидалай кьулухъ, мад чан хкизва).

14. Ва Ам – Багъишламишдайди, Гзаф КIандайди (Вичин муъмин лукIар, ва я Лап КIаниди) я,

15. Аршдин Сагьиб, Гьейбатлу Тарифлуди я.

16. Ам – Вичиз кIан хьайи кар Ийидайди я (гьикьван ва гьихьтинди хьайитIани).

17. Атанани ваз хабар кьушунрин кардин -

18. Фиръавандин ва с́ амуд*-дин?

19. Аксина, кафирвал авурбур таб яз кьунин карда ава (давамарзава).

20. Ва Аллагьди абур кьулухъай элкъуьрна кьунва.

21. Аксина! Ам – гьейбатлу багьа (чIехи) Къуръан я-

22. «Лавгь́ -уль- Магьфу́ з»-да (Хуьзвай Кьулуна) авай!

 

Сура 86. атl-Тlа́ рикъ (Йифен рекьин мугьман [гъед])

 

Мергьяметлу, Регьимлу Аллагьдин тIварцIелди!

1. Кьин кьазва (За) цавал ва «йифен рекьин мугьмандал»!

2. Ва ваз вуч чида вуч ятIа «йифен рекьин мугьман»?!

3. (Ам) Вичин ишигъдалди и патай а патаз мичIивиляй тIеквен акъудзавай гъед я.

4. Авач гьич са чанни (нефесни) вичел хуьдайди (малаик) алачир.

5. Къуй килиграй инсан вич куькай халкьнаватIа,

6. Ам «къуватдалди (зарбдиз) экъичзавай цикай» (стIалдикай) халкьнава,

7. (Вич) Кьулан тарцин ва хурун кIарабрин арадай акъатзавай,

8. Гьакъикъатда Ам – къудратлу я элкъурна хкиз ам (адал чан хкиз),

9. Сирер (инсандин рикIе авай чинебан ниятар, къастар, фикирар) винел акъудна ахтармишдай (синемишдай) Юкъуз,

10. Ва жедач адаз я къуват я куьмекчини.

11. Кьин кьазва (За) цавал – сад-садан гуьгъуьналлай марфарин (ва я тикрар хъувунин) «сагьиб»!

12. Кьин кьазва (За) чилел – пад хьана хъиткьерар хьанвай (набататар экъечIун патал)!

13. Гьакъикъатда, ам (Къуръан – гьахъ тапуникай) чара ийидай Гаф я (ва я́ ам – Гьакь я).

14. Ва ам зарафат (къугъун) туш.

15. Гьакъикъатда, абуру чинебан чIуру къастар ийизва (гьакь Диндиз аксина),

16. Ва Зани амалдарвал къаст ийизва.

17. Ва (гьавиляй вуна) муьгьлет це кафирриз, ва вахт хце вуна абуруз са тIимил (аставал авуналди)!

 

Сура 87. аль-Агlля́ (Виридалайни Вине Тирди)

 

Мергьяметлу, Регьимлу Аллагьдин тIварцIелди!

1. Пак (тарифлу) ая вуна тIвар ви Виридалайни Вине Раббидин,

2. Вичи (вири) халкьнавай ва тамамдиз дуьзарнавай,

3. Ва Вичи гьар са шей тайинарнавай (ва я гьар са шейиниз кьадар-кьисмет эцигнавай) ва дуьз рехъ къалурнавай,

4. Ва Вичи (къацу) чIурар акъуднавай (экъечIиз тунвай),

5. Ва (ахпа) абур рагъул (чIулав хьтин) кьуру кьалариз элкъуьрнавай.

6. (Бес) Чна вав кIелиз тада (Къуръан) ва ам ви рикIелай алатдач,

7. Анжах Аллагьдиз кIан хьайиди квачиз, – гьакъикъатда Адаз чизва ван алаз лугьузвайди (ачухди) ва чуьнуьхди (чинебанди).

8. Ва кьезиларда Чна ваз лап регьят тирди(яни шариат, ва я регьят авуна гьазурда Чна вун лап регьят тирди патал).

9. Ва рикIел гъваш вуна (абурун, яни давамара несигьат гуз Къуръандалди вирибуруз), – эгер рикIел гъуникай менфят аватIа (вирибуруз, – амма менфят къачуда адакай анжах бязибуру).

10. РикIел гъана менфят къачуда – вичиз (Аллагьдикай) кичIе тирда,

11. Ва къерех (яргъа) жеда адакай лап бахтсузди,

12. Вичини «лап чIехи ЦIа» къати кунин азаб чIугвадай,

13. Ахпа, ам ана я рекьидач ва я яшамиш жезни жедач.

14. Гьакъикъатда, агалкьунар жеда вич михьи авуна (гунагьрикай авайдалай) артух хъсанар ийиз чалишмиш хьайидаз,

15. Ва вичин Раббидин тIвар рикIел ва мецел гъана ва капI авурдаз.

16. Туш! Куьне и дуьньядин уьмуьр артух яз кьуна хкязава,

17. Ва Ахират (адалай) лапни хийирлу я ва лапни яргъал (яни гьамишалугъ) амукьдайди я.

18. Гьакъикъатда им (и сурадин 14-17 лагьай аятра тестикьарнавай кар) – гьа сифтегьан «Луьлейрани» (Кьуларани) ава,

19. Ибрагьиман ва Мусадин «Луьлейра»(Кьулара).

 

Сура 88. аль-Гъа́ шийагь (КIевдайди)

[Къияматдин Йикъан пис балари, гьалари вири кIевна кьада]

 

Мергьяметлу, Регьимлу Аллагьдин тIварцIелди!

1. Атанвани ваз КIевдайдан (Къиямат Йикъан) кардин хабар?

2. А юкъуз (кафиррин) чинар жеда агъузвиле аваз (алчахарнаваз),

3. Четин (залан) кIвалахдик кваз, галатна аман атIанваз,

4. Лап къизгъин ЦIа къати кунин азаб чIугваз (куз чураз),

5. Хъваз гуда абуруз лап (ргаз) кузвай чешмедай,

6. Ва жедач абуруз маса тIуьн «дзари́ гI»-дилай (кьуранвай зегьерлу цацар алай набататдилай) гъейри,

7. Вичи я куьк тийидай я гишинвиликай къутармиш тийир (менфят тагур).

8. Са чинар а юкъуз хушбахтдаказ жеда,

9. Чпи авур чалишмишвилерал рази яз,

10. Вине авай Женнетда аваз,

11. Абуруз ана лагълагъдин ван къведач,

12. Ана – гурлуз авахьзавай чешме ава,

13. Ана – хкажнавай тахт-ар (чарпаяр – ацукьдай, къаткидай, хъуьтуьл месер алай) ава,

14. Ва (гьазурна) эцигнавай (чехир хъвадай) фенжарар ава,

15. Ва жергедаваз чка-чкайрал эцигнавай хъуьцуьганар ава,

16. Ва экIянавай халичаяр ава.

17. Бес абур килигзавачни деведиз – гьикI ам халкьнаватIа?!

18. Ва цавуз – гьикI ам хкажнаватIа,

19. Ва дагълариз – гьикI абур хкажна мягькемарнаватIа,

20. Ва чилиз – гьикI ам экIяна дуьзарнаватIа?

21. (Гьавиляй) РикIел гъваш вуна (абурун, яни давамара несигьат гуз Къуръандалди), гьакъикъатда вун – анжах «(несигьат гуз) рикIел гъидайди» я эхир,

22. Ва туш вун абурун винел мажбурдайди.-

23. Амма вуж (кьулухъ) элкъвенатIа (адакай) ва кафирвалнатIа,

24. Аллагьди адаз лап еке азабдалди азаб гуда.-

25. Гьакъикъатда, абурун элкъвена хтун Чи патав я,

26. Ахпа абурун гьахъ-гьисаб кьун Чал ала.

 

⇐ Предыдущая567891011121314Следующая ⇒

Поделиться: